اسلام آباد۔4ستمبر (اے پی پی) سپیشل جج سینٹرل ہمایوں دلاور قومی خبر رساں ادارے اے پی پی اچ مبینہ طور تے کروڑاں روپے دی کرپشن دے مقدمے اچ نامزد 9 ملزماں دی ضمانت قبل از گرفتاری دی درخواستاں تے سماعت 16 ستمبر تئیں ملتوی کر ݙتی۔ جمع?? کوں کیس دی سماعت دے دوران اے پی پی دے لیگل ایڈوائزر خرم بیگ عدالت اچ پیش تھئے اتے موقف اختیار کیتا جو اساݙی تیاری مکمل اے اساں درخواستاں تے بحث کرݨ چاہندوں، دوران سماعت خرم بیگ ایڈووکیٹ اتے حسنین حیدر تھہیم سودھے ترائے وکلا اے پی پی ولوں آپݨے وکالت نامے عدالت اچ جمع کرائے۔ عدالت سارے ملزماں دی حاضری لاتی۔ پیش تھیوݨ آلیاں اچ اے پی پی دے ??اب?? ایگزیکٹو ڈائریکٹر عدنان اکرم باجوہ، ??اب?? اکاؤنٹ منیجرز عمران منیر، ساجد علی، ??اب?? انچارج آڈٹ طاہر گھمن، ??اب?? اسسٹنٹ منیجر بجٹ مرتضیٰ، خرم شہزاد، ??اب?? سیکرٹری ٹو ایم ڈی اعجاز مقبول، ادریس چوہدری اتے شاہد لطیف شامل ہن۔ دوران سماعت فاضل جج پُچھیا جو کیا سارے ملزماں دے وکلا موجود ہن؟ ایں تے ہک وکیل عدالت کوں ݙسایا جو کجھ وکلا ہائی کورٹ اچ مصروف ہن۔ جئیں تے فاضل جج ہمایوں دلاور ناراضگی دا اظہار کریندیں ہوئیں ریمارکس ݙتے جو کوئی بہانہ نہ چلسی، آندے ویلھے کہیں وی ملزم دا وکیل غیر حاضر تھیا تاں ہک منٹ اچ ضمانت خارج کر ݙیساں۔ عدنان اکرم باجوہ دے وکیل عدالت توں استدعا کیتی جو انہاں دے مؤکل دی درخواست تے وکھری توں سماعت کیتی ون٘ڄے، لیکن عدالت وا??ح کیتا جو ساری درخواستاں تے ہکو ویلھے ہی سماعت تھیسی۔ فاضل جج ریمارکس ݙتے جو اے کوئی پرچون دی ہَٹّی نئیں اے، ہک ہک کر تے دلیلاں نہ سݨساں، سارے وکلا تیاری دے نال آون، غیر سنجیدگی برداشت نئیں کرساں۔ دوران سماعت ملزم خرم شہزاد دے وکیل موقف اپنایا جو انہاں کوں آپݨے مؤکل تے لاتے گئے الزاماں دا علم نئیں۔ جئیں تے عدالت ایف آئی اے دے تفتیشی افسر محمد جنید کوں ہدایت ݙتی جو ملزماں کوں الزاماں دا ݙسیا ون٘ڄے۔ تفتیشی آفیسر محمد جنید عدالت کوں ݙسایا جو ملزم اعجاز مقبول بطور ??اب?? سیکرٹری ٹو ایم ڈی اختیارات دا ناجائز استعمال کریندیں ہوئیں 7 لکھ 50ہزار اتے 2.5 ل??ھ روپے دے چیک وصول کیتے جنہاں دا سرکاری استعمال دا کوئی ریکارڈ موجود نئیں۔ ملزم خرم شہزاد سیلری کریڈٹ شیٹ توں 2 کروڑ 27 ل??ھ روپے دا چیک کیش کرایا۔ ملزم مرتضیٰ دے ذاتی اکاؤنٹ اچ 79 لکھ روپے توں ودھ رقم منتقل کیتی ڳئی، جݙاں جو ہک ݙوجھے اکاؤنٹ اچ کروڑاں روپے جمع تھئے۔ تفتیشی آفیسر ٻیا ݙسایا جو ملزم عمران منیر ??اب?? منیجر اکاؤنٹ ہئی، منیجر دی حیثیت نال انہاں دی تعیناتی دے دوران بالترتیب مبلغ ہک کروڑ 80 لکھ، ݙو کروڑ، ہک کروڑ 78 لکھ اتے ہک کروڑ 47 ل??ھ روپے دے چیک غیر قانونی طریقے نال کیش کرائے ڳئے جنہاں دے غبن دے شواہد موجود ہن۔ ملزم ساجد علی وی ??اب?? منیجر اکاؤنٹس رہے۔ انہاں دے دور اچ پراویڈنٹ فنڈ توں 2 کروڑ 27 ل??ھ روپے ٹرانسفر کیتے ڳئے جݙاں جو 98 لکھ توں ودھ دے چیک وی غیر قانونی طور تے جاری تھئے۔ ملزم شاہد لطیف تے الزام اے جو انہاں حاضر سروس ملازماں دے اکاؤنٹس اچ پنشن دی رقماں منتقل کیتی اتے ایں طرح کارپوریشن دے فنڈز کوں ناقابل تلافی نقصان تھیا۔ ملزم طاہر گھمن بطور انچارج آڈٹ آپݨی ذمہ داری ادا نہ کر سڳے، ہر جاری تھیوݨ آلا چیک لیجر توں چیک کراوݨ اتے سرکاری بینک دے اکاؤنٹ توں ادائیگی اتے منظور شدہ رقم کوں آپس اچ ہکو جیہا ہووݨ ضروری ہئی جݙاں جو سرکاری ذمہ داری پوری نہ کرݨ اتے سہولت کاری تے انہاں دے خلاف ایف آئی آر درج کیتی ڳئی۔ مقدمے دے تفتیشی آفیسر محمد جنید عدالت کوں ݙسایا جو ??اب?? ایگزیکٹو ڈائریکٹر عدنان اکرم باجوہ تے الزام اے جو بطور ایگزیکٹو ڈائریکٹر ادارے دے مالی معاملیاں دی نگرانی انہاں دی ذمہ داری ہئی جئیں کوں ادا کرݨ اچ او مکمل طور تے ناکام رہے اتے ایں طرح ادارے دے مالی معاملات نہ صرف بے نظمی دا شکار تھئے بلکہ شریک ملزماں کوں لُٹ مار دے آزادانہ موقع فراہم کیتے ڳئے۔ ایں موقع تے فاضل جج حکم ݙتا جو سارے ملزماں دی ضمانت قبل از گرفتاری دی درخواستاں تے سماعت ہکے ویلھے 16 ستمبر کوں تھیسی اتے سارے وکلا تیاری دے نال عدالت اچ پیش تھیون، اگر ایویں نہ تھیا تاں غیر حاضری دی صورت اچ ضمانت خارج کر ݙتی ویسی۔ وا??ح رہے جو ایف آئی اے قومی خبر رساں ادارہ اے پی پی اچ کروڑاں روپے دے غبن اتے بدعنوانی تے مجموعی طور تے 16 ملزماں دے خلاف مقدمہ درج کر رکھی اے۔
اے پی پی میگا کرپشن کیس، 9 ملزماں دی ضمانت قبل از گرفتاری دی درخواست دی سماعت 16 ستمبر تئیں ملتوی
اسلام آباد۔4ستمبر (اے پی پی) سپیشل جج سینٹرل ہمایوں دلاور قومی خبر رساں ادارے اے پی پی اچ مبینہ طور تے کروڑاں روپے دی...
مضمون کا ماخذ : اسکریچ کارڈ کی پیش گوئی
